2012

هاااااااااى ازيكم ؟ يارب تكونوا بخير يارب

كل سنة وانتم طيبين ويارب تكون سنة سعيدة عليكم يارب وعلى كل الناس
خلاص 2011حاجة حصلت فيها حلوة او مرة بجد انا بعتبرها اغرب سنة عدت علينا على اد كل الاحداث السياسية اللى حصلت وكل الاحداث السيئة كمان لكن عن نفسى كانت سنة سعيدة جدا يارب 2012تكون اسعد واسعد علينا كلنا يارب
بستقبل سنة سعيدة جديدة معاكم عقبال كل سنة

تحياتى ليكم كلكم ويارب تكونوا بخير
وبعتذر انى بتاخر شوية لكن عشان الدروس وكدة غصب عنى
وكل سنة وانتم طيبين

شباب متناقض

اتعجب كثيرا من هذا الشباب
رياضى ...وبهيئته يبدو جذاب

يحمل بيده اله الجيتار ......
فكيف تكون ؟؟!!!
ومعها علبه من علب السيجار !!!

عجبى ...

كل سنة وانتم طيبين

هاااااااااى ازيك ؟
يارب تكونوا بخير يارب دايما

كل سنة وانت طيبين بمناسبة اولا عيد الحب
واللى عرفت انه للاصدقاء فقولت احتفل بيه معاكم لانكم بجد فعلا
اجمل اصدقاء وعيلة فى الدنيا


كل سنه وانتم طيبين بمناسبة ثانيا عيد الاضحى المبارك
اعاده علينا وعليكم باليمن والبركات يارب ان شاء الله
ويارب يكون يكون عيد سعيد عليكم يارب وعليا وعلى امة المسلمين جميعا
ان شاء الله

تحياتى ليكم
وكل عام وانتم بخير

غير اهتمام

كنت اتحدث معه قريبا
وانا بلهفه وحب وسعاده
يتحدث معى هو ايضا
واشعر وكأنه فى نفس الحالة

وسريعا وفى منتصف الكلام
اجده يرد بتأخر بغير اهتمام !!
اتعجب من هذا كثيرا حتى اجد ..
اجابات عاديه لغيرى وصلت لى بالخطأ !!!

فأسأل عن ماذا كتب لى بدهشه
فيعتذر سريعا ..... وبلهفه
فأنتى ليست المقصودة بهذا بالمرة

فابتسم بحزن وغضب واقول
عرفت ذلك مؤخرا فانت مشغول .

سأتركك انا بسلام
وانهى معك هذا الكلام ..
فسريعا يؤكد انه معى
واصبح غير مشغول بغيرى

ولكنى اصر على السلام
فأنت بالحقيقة مشغول
فيدرك منى ومن اخر الكلام
انى غضبت وقلبى كأنه مجروح

فينهى الكلام مرة اخرى باعتذار
وانهى انا الكلام بالسلام

وتمنيت ان يكون مثلى !!!
فكنت اتحدث مرة معه
وتلقيت رساله من غيره
رساله عاديه من شخص اعرفه
تجاهلته انا ... وكانى لم اسمعه

فهو لايدرك شعورى فى لحظة اتمناها
لحظة الحديث معه والكلام
ولايدرك شعورى بعد كل هذا
انى شعرت منه بغير اهتمام .

ساتحدث معه ...

عندما تأتينى الفرصة لاتحدث معه
او ادرك للحظة انى سأسمعه

يأتينى شعور للحظة غريبة
تأتى ببالى افكار عديدة
ارحل لثوانى لعالم بعيد
بخفة وحب وشوق وحنين

اعود منه سريعا اجد نفسى
مشغولة بأكثر من هام
اقضيهم بسرعه كبيرة
بخفه وحركة واهتمام

وسريعا ابتسم للحظة
واعد نفسى للمحادثة
فأختار عن ماذا اريد التحدث معه ؟؟
وادرك باهتمام كيف سأفتحه معه ؟؟

فى البدايه نكون سويا فى اشتياق وحنين
فننهى بحب وسلام هذا الحديث

ولكن ... مؤخرا تغير الحال
كهذه المحاثة على سبيل المثال
!!!!!!!!!!!؟؟؟

يا ترى ايه موضوع او مشكله المحادثة دى اللى هتكلم عنه البوست اللى جاى ؟؟؟
مستنيه تعليقاتكم بالاجابات على السؤال دة .........

لما بنخرج سوا

اول الحكاية لما بنخرج سوا
ببقى معاه انا طايرة فى الهوا

وهو قصادى وادام عنيا
بلائينى اتخدت لدنيا تانية

دنيا كبيرة بعيدة مافيهاش ناس
بحس فيها معاه اجمل احساس

احساس جميل وانا عينى فى عنيه
قلبى يدق كتير وانا ايدى فى ايديه

مرتبة كلام كتير بجد حساه
نفسى اقولهوله بس اوام بنساه

بيبقى على لسانى مش قادرة اطلعه
اول ما بيمشى بتخيله ادامى واكلمه

كأنى معاه من تانى بس فى الخيال
بفتكر اوام وبقدر اقوله كل الكلام

فى اللحظة دى انا بزعل من نفسى
وعقلى يا عينى يجيب ويودى

لكن فى الاخر بقول المهم هو
عارف كلامى دة واحساسى بجد من جوه

ما هو خلاص بقى روحى وعقلى
روحى : بيحس بيا قبل ما احس انا
وعقلى : يفكر فى نفس الحاجة اللى فكرت فيها انا

يبقى اللى بنا دة حب ولا غير كدة
اللى بنا دة انا عرفته اكبر من كدة

والله لسة بدرى يا شهر الصيام

هاااااااى ازيكم وحشتونى اوى . كل عام وانتم بخير وكل رمضان وانتم بكل خير يارب ويعود علينا رمضان بالخير دايما يارب
ويارب نكون استفدنا بالشهر العظيم اوى دة ونطلع منه بالذنب المغفور باذن الله وبكل خير يارب

انا جايبالكم معايا اجمل الكلمات بجد فى الوقت دة وهى كلمات احلى اغنية والله لسة بدرى يمكن بنزعل اوى واحنا بنسمعها بس نرجع ونقول يارب يعود عليا رمضان بالخير كله ونكون أدينا واجبنا على قد ما نقدر فى الشهر الكريم

وقبل ما نستمتع بالكلمات انا جايباكم احلى طبق كحك فى الدنيا عمايل اديا وحيات عنيا او هى عمايلهم هنا بالامانه يعنى
احنا خلصنا الكحك الحمد لله وجايباكوا طبق اكيد
الكل يدوء ويقولى رايه هيعجبكم بجد بس نحاول مع بعض نسيب شوية لاول يوم العيد
وانا كمان هحاول
عايزة اقولكم عاملين عليا هنا حظر تجول على علبه الكحك من غيره مش هيتبقى كحكايه واحدة للعيد
فندوء مع بعض ونسيب لاول يوم عيد ....وانا هحاول امسك نفسى
ههههههههههههههههه

تحياتى ليكم كلكم
وكل رمضان وعيد فطر وانتم بخير وبصحة وسلامة يارب
اسيبكم بقى مع الكلمات والاغنية



تم البدر بدرى . والايام بتجرى
والله لسه بدرى والله . يا شهر الصيام

حيانا هلالك . ردينا التحية
زهانا جمالك . بالطلعة البهية

دى فرحة سلامك . ولا وداع صيامك
والله لسه بدرى والله . يا شهر الصيام

يا ضيف وقته غالى . وخطوة عزيزة
حبك حب عالى . فى الروح والغريزة

ايامك قليلة . والشوق مش قليل
والغيبة الطويلة . ع الصبر الجميل

لسة بدرى حبه . يتملا الاحبة
والله لسة بدرى والله . يا شهر الصيام

بتحلف يتيمك . ما تلمح دموعه
وتسره بقدومك . وتنور شموعه

وتسيب يوم وداعك . فوق الارض عيد
يا هالل بفرحة . ومفارق بفرحة
والله لسة بدرى والله . يا شهر الصيام

تم البدر بدرى . والايام بتجرى
والله لسه بدرى والله . يا شهر الصيام

رمضان كريم

هااااااى ازيكم بجد منورنى انا اولا بس عايزة اشكر كل اللى دخل عندى هنا وباركلى على البوست اللى فات انا فعلا شوفت وحسيت فرحتهم ليا وبجد بشكرهم جداااا وهم فعلا دايما منورنى وحواليا يارب كدة دايما ونتجمع دايما دايما فى الفرح يااااااارب

ثانيا بقى
كل سنة وانتم طيبين بمناسبة شهر رمضان الكريم ويارب يعود علينا شهر رمضان المبارك داما بالخير يارب
ويكون شهر مبارك وجميل علينا كلنا وفعلا نستغله صح

ويمكن دة موضوعى انهاردة اللى كنت عايزة اقوله لكم وهو ان احنا دايما الحاجة الاساسية اللى بنحرص عليها فى رمضان هى ان احنا نختم القران الكريم وساعات فعلا نختمه وساعات بننشغل لكن انا على الفيس بوك جاتلى طريقة كويسة جدااا عشان نختم القران مرة او مرتين يعنى

القران 600 صفحة تقريبا لو تقسمها على 30 يوم يبقى 20 صفحة فى اليوم هتلائيها صعبة لكن لو قسمتها على 5 فروض تبقى اسهل يعنى تقرا بعد كل فرض 4 صفحات او 2 قبل و2 بعد تكون ان شاء الله ختمت القران فى نهاية رمضان ولو عايز تختمه مرتين تبقى تقرا 4 صفحات قبل وبعد كل فرض

بيتهيألى كدة اسهل كتيييير لان بجد الطريقة دى ريحتنى اوى لانى كنت بقراها كدة عشوائى وساعات بنشغل ومش بختمه
وان شاء الله ربنا يقدرنى السنة دى واختمه باذن الله
وياريت كلنا كمان

وفى الاخر كل سنة وانتم طيبين ويارب اكون ساعدتكم شوية بطريقة ختم القران الكريم وربنا يقدرنا عليها كلنا ونختمه بجد السنة دى

نورتونى يارب دايما
ورمضان كريم

احلى الاخبار

هااااااااى ازيكم انا جاية بأحلى خبرين فى الدنيا يعنى من الاخر لاااااازم تباركولى مرتين اتنين

* * * * * * * * * * * * *

اولا
انا نجحت فى الثانوية العامة بمجموع وبلا فخر 96.1
طبعا البوست متأخر معلشى الكمبيوتر بقى عملها معانا وكان بيتصلح
عايزة اقولكم يوم النتيجة دة انا عيطت عياط واترميت فى حضن بابا وماما واخواتى وكلهم لانهم تعبوا معايا كتييييييير بجد ولهم كل الفضل بعد ربنا طبعا

ربنا يخليهم ليا يارب واقدر افرحهم كمان وكمان لان بجد احلى لحظة لما شوفت فى عينيهم فرحة كبيرة انا السبب فيها
فطبعا دى احلى لحظة واحلى احساس الواحد بيبقى حاسه بجد
ربنا يقدرنى عليه

بجد السنة دى عدت صعبة اوى وانا بجد والله من غير مبالغة بجد تعبت فيها اوى بس الحمد لله عقبال السنة الجاية انا الحمد لله متفائلة لانى بجد السنة دى عرفت فعلا ان ربنا مش بيضيع تعبى ابدا الحمد لله يارب
وان شاء الله ربنا يكرمنى بكل الخير يارب وكلنا باذن الله

وهو انا علمى رياضة فربنا يكرمنى بكلية الهندسة بقى عشان المجموع دة الكل بيقوللى عليه انه خسارة فى اى كلية تانية لانى كنت عايزة فنون جميلة لانى كنت بقول " رحم الله امرء عرف قدر نفسه انا بجد ماكنتش متوقعة مجموعى دة والتنسيق كمان كويس فربنا يسهل ان شاء الله
ادعووووووووولى كتيييييييييير

* * * * * * * * * * * * * *

ثاااااانيا بقى
انا خطوبتى يوم الخميس اللى جاى
طبعا هتقولوا كدة على طووول واستعجلتى وكدة بس بجد صدقونى انا سمعت الكلام دة كتييير اوى بس بجد هى ظروف وانا ذات نفسى لغاية دلوقتى مش مصدقة ومش عارفة الموضوع دة جه ازاى اصلا و عدى كدة ازاى
على العموم الحمد لله وان شاء الله خير

* * * * * * * * * * * * * *

تحياتى ليكم كلكم كتيييير
ويارب اكون فرحتكم شوية بالخبرين دول
يارب دايما على طوووووول

احساس غريب صعب بجد

بيقوللى قبلك عرفت بنات كتير
لا وبيقول كمان حبيت قبلك كتير
يرجع ويقول بس انتى حبيبتى
وانتى روحى ولقلبى ملكتى

بسمع كلامه اه ويمكن مصدقاه
بس احساس صعب انا دايما حساه

مصدقه كلامه اوى يمكن مش هقول لأ
بس مش مصدقة ان قلبه فعلا لغيرى دق

متخيله قلبه لما حب بجد غيرى
وعقله كمان لما فكر فى واحده غيرى

اكيد قالها كلام انا سمعته منه
وكان بيسرح فيها ويحبها بجد من قلبه

عارفه بجد حقيقى ان كل دة كان زمان
ولازم دلوقتى اصدق ان دة ماضى ولا كأنه كان

وافهم انه عادى يعرف ويجرب ويحب
المهم فى الاخر قاللى بجد اختارت صح

لازم اصدق كل الكلام دة بجد من قلبى
ولازم حقيقى اسيطر شوية على عقلى

غيرتى عليه مطلوبه صحيح بس مش كدة
لازم بجد اصدق انه فى الاخر ليا انا

و لازم هو كمان يعرف حاجات كتير
منها غيرتى عليه دليل على حبى ليه
وانه بالنسبه لى حبى الاول والاخير

وحشتونى كتييييير كلكم بجد
حبيت اقول معاكم ونحتفل سوا باجمل عيد لاجمل انسانة فى الوجود
واقول كل سنة وكل ام طيبة وبخير يارب

والى امى
كل سنة وانتى طيبة يا احلى ماما فى الدنيا وكل سنة وانتى بخير وبصحة وسعادة دايما يارب وربنا يخليكى لينا ومايحرمناش منك ابدا يا احلى ماما

تحياتى ليكم كلكم

2011

هاااااااااى ازيكم وحشتونى كتييييير والله بجد وحقيقى انا بكون فرحانة اوى لما برجع اكتب فى مدونتى من جديد

بجد وحشتونى اوى وكل سنة وانتم طيبين ويارب بجد تكون 2011 احسن بكتييييير من 2010 عدت بخير بافراحها واحزانها وحلوها ومرها المهم انها عدت ويارب السنة اللى جاية تكون احسن واحسن ونكون كلنا فى صحة وفى وسط الناس اللى بنحبهم دايما يارب وما نفارقهم ابدا ونكون حققنا كل اللى بنتمناه يارب اللهم امين

وبحب اشكر برضو الناس اللى سألت عليا فى الفترة اللى فاتت بجد بشكرها كتييييييير وبجد وحقيقى كنت سعيدة جدا بالتعليقات الجميلة اوى دى

بحبكم كتيييير وكل سنة وانتم طيبين
وهتوحشونى اوى وماتنسوش كالعادة تدعولى كتييييير كتييير
و happy new year

نجمتى انا

هاااااااااى وحشتونى اكيد وهتوحشونى اكيد واكيد ! ما هو دة موضوعى انهاردة
للاسف وبجد انا زعلانة جدا وكان صعب عليا انى اخد قرار زى دة وهو انى هتوقف عن المدونة شوية بس كتير لانى انا دلوقتى فى تانية ثانوى ومش دروس وبس لا مدارس كمان فبجد حاجة متعبة جدا جدا جدا لدرجة ما تتخيلوهاش بجد
فالسنة دى والسنة اللى جاية محتاجين فراغ للمذاكرة وبس عشان اقدر اوصل للى انا بتمناه واللى هى نجمتى واللى بوست انهاردة بيتكلم عليها

بس مش معنى كدة انى هغيب سنتين لا انا لما اكون فاضية بجد اكييييييد هدخل واعلق وازوركم كلكم باذن الله اكيد
هتوحشونى اوى وهحاول اتابع معاكم برضو على اد ما اقدر

يارب بوست انهاردة يعجبكم ودة بوست غالى عليا اوى لانه احساسى بجد فيارب مش بوست انهاردة لا يارب احساسى انهاردة يعجبكم
هتوحشونى كتييييييييييييييييير بجد



عدى النهار وغابت الشمس
جاء الليل وحضر القمر

وبدأت تظهر النجوم فى احضان السماء
وبدأت انا اختار من بينهم نجمتى

فرأيت الكثير والكثير . ولكن ظهرت نجمة وحيدة لامعة
انها هى . . هى انا . . نجمتى انا
التى اسعى من اجلها واعيش ايضا من اجلها
وسوف يأتى اليوم الذى فيه المسها وانظر الى جمالها الساحر وبريقها اللامع

متى هذا اليوم ؟ . . هل هو قريب ؟ . . ام بعيد ؟
ام هو سوف يأتى ؟ . . ام لا ؟

لا اعرف . ولكن لقد تبقى القليل وسأصبر واعمل جاهدة من اجل هذا اليوم الذى فيه احقق كل ما
اتمناه

نجمة

تفتح عينيها لتنظر الى الافق . . نسائم الهواء الباردة تلفح وجهها الصغير

قتسرى فى جسدها نشوة نشوة خفيفة تجعلها تبتسم . . تتأمل السماء الزاخرة بالنجوم . . السماء لن يضيرها ان تأخذ منها نجمة واحدة فقط . .

لتنير لها ولاسرتها بدلا من الظلام الدامس ليلا . . حيث لا وجود للكهرباء فى بيتهم . .

يزداد بريق عينها وهى تقف على سور الشرفة . . تتمعن فى النجوم لتختار واحدة منها . .

تقفز باعلى ما تستطيع . . تشعر باقترابها من السماء اكثر . .

تمسك بيدها الهواء . . فتهبط . . تهبط بشدة . . تصطدم بالارض وتسكن . . لترتفع مرة اخرى . . وترتفع . . وترتفع . . ها هى ذى تقترب من نجمتها المختارة

منقولة من جريدة الاخبار
الخميس 15/7/2010 . صفحة اخر الاسبوع

عيد سعيد

هاااااااى ازيكم كلكم وحشتونى اوى بجد كل سنة وانتم طيبين خلاص هنقول والله لسه بدرى يا شهر الصيام لاننا خلاص بنودعه وبنستقبل عيد الفطر المبارك
المهم اننا نكون بجد استمتعنا بالشهر الكريم ويعوده دايما علينا بالخير يارب

ودلوقتى بنستقبل ايام الفرحة اللى كلنا بنستناها من يوم ما كنا اطفال وهى ايام العيد وخصوصا على فكرة العيد الصغير او عيد الفطر لانه بتبقى ليه بهجته الخاصة
يعنى من يوم مابنسهر فى عمايل الكحك وتوضيب الشقة ونعد نستنى ساعات الفجر عشان نلبس هدوم العيد ونصلى صلاه العيد وبعد كدة نزور بعض ونتجمع ونخرج مع اصحابنا وناخد العيدية و اخرج مع اخواتى و .........وحاجات تانية كتيييييير
يااااااااااااه كانت بجد اجمل ايام فى حياتى يا ترى هترجع من تانى ؟؟؟!!!

بيتهيالى لا يعنى
العيلة خلاص نصها اتفرق واللى اتجوز واللى مسافر
واصحاب ايه اللى هخرج معاهم خلاص مافيش اصحاب ربنا يخليلى اخواتى احسن من اى حد فى الدنيا
وهو دة اللى انا بجد هفتقده السنة دى !!!!!

بس زى ما هفتقد هكتسب حاجات انا معملتهاش قبل كدة وهى انى عرفت اصحاب جداد اكيد هنا طبعا على مدونتى وبقضى العيد معاهم كل سنة يارب يارب دايما وطبعا دى حاجة جميلة جدا وانا دايما بكون سعيدة بيها

و انا كمان هستنى تعليقاتكم عن الموضوع دة يمكن العيد هنا فى مدونتى هيختلف شوية بس مش كتير احنا بس هنفتكر ايام زمان ايام الطفولة مش الطفولة اوى يعنى بس ايام زمان شوية ونشوف
احنا هنفتقد ايه السنة دى مش هنعمله ؟
ونشوف ايه كمان الجديد اللى معملنهوش قبل كدة وهنعمله السنة دى ؟

انا بجد هستنى التعليقات لانى دايما بحب ارجع للذكريات الجميلة دى يمكن بتوجعنى شوية لانى بحس انها مش هترجع تانى بس بشتاقلها وبفتكرها واضحك عليها كمان ودى اكيد متعه هى وايام انهاردة

هستنى تعليقاتكم ويارب العيد عندى يكون دمه خفيف وجديد وكل سنة وانتم طيبين ودايما بالخير يارب
استنوا مش تاخدوا العيدية الاول



طبعا عرفتوها وهى كحك العيد وطبعا مافيش الذ واحلى من كدة يارب تكون العيدية عجبتكم اى نعم ممكن تكونوا عملتوه قبلى بس اكيد بتاعى ليه طعم خاص وكحك عن كحك يفرق
ههههههههههههههه

تحياتى ليكم وعيد سعيد عليا وعليكم وعلينا كلنا ان شاء الله
تحياتى

رمضان ومفاجأة عشانه

كل سنة وانتم طيبين ورمضان كريم علينا كلنا وعلى كل المسلمين كنت سعيدة اوى لان دة تانى رمضان احضره معاكم يعنى عدى علينا اكتر كمان من سنة فرحت اوى بالسنة دى عرفت ناس ومدونين جداد واصدقاء بجد فعلا عرفت حاجات جديدة عليا ماكونتش اعرفها
بجد السنة دى حصل فيها حاجات كتير اوى
وزى ما بابا بيقول بزعل لما احس ان سنة عدت عليا وفاتت من عمرى لكن بفرح فى نفس الوقت لما احس ان السنة دى ماضعتشى منى هدر مالهاش قيمة

بجد فرحانة اوى برمضان شهر جميل بجد له فرحة خاصة واحساس جميل اوى بنشتاقله دايما
يارب يعدى الشهر علينا بالحسنات وبالخير ونعرف بجد نستفاد منه ومنخلهوش يعدى علينا كدة من غير حاجة
ويارب نكون استعدينا للشهر الكريم دة كويس ويزود دايما من حسناتنا ونطلع منه ربنا بجد راضى علينا لان دى اهم حاجة فى الدنيا

مفاجأة رمضان اللى كانت محيرانى هو تاج توتة الجميل دة يارب يعجبكم بجد وكل سنة وانتم طيبين وبخير وبصحة وسلامة دايما يارب



نبدأ مع بعض التاج ويارب يعجبكم
(السؤال الاول )
رتب الاتى حسب اهميتها بالنسبه لك
الصداقه . الحب . العائله . المستقبل . المال
الترتيب : العائلة . المستقبل . الحب . الصداقة . المال

عرف حب الحبيب والحبيبة فى جمله صغيره
الحب دة هو نعمه جميلة من عند ربنا

وهل يمكن ان نعيش بدون حب الحبيبه او الحبيب برضو ؟
هو من حيث هنعيش فاحنا هنعيش بس هتبقى حياه صعبة اوى اوى اوى

ما الرساله التى تريد ان تبعثها لحبيبك او حبيبتك ( زوج /ة المستقبل ) إن وجد أو لسه ماوجدش ؟
هو السؤال دة صعب شوية بس ممكن الرسالة دى تكون ان الحب هو حاجة مهمة اوى لو اتوجد بينا هنقدر نعمل اى حاجة فى الدنيا ونعيش بجد حياه سعيدة طول العمر
لان لو فيه حب يبقى مافيش خيانة او غدر او كذب او اى حاجة من دى وهتبقى بجد حياه سعيدة

ياترى إيه أكتر حاجة بتكرهها فى الحياة ؟
الخيانة طبعا

لو هتتمنى أمنية قبل ما تموت هتبقى ايه ؟
قبل ما اموت هتمنى ان ربنا اكيد يكون راضى عنى وانى اكون حققت كل اللى انا اتمنيته فى دنيتى
وان مايكونشى حد زعلان منى او اكون مديونة لحد

مين أكتر حد محتاج تشوفه وترتاح فى حضنه أو تبص فى عنيه ؟
خالو طبعا بجد وحشنى نفسى اشوفه قريب

مين أكتر حد نفسك تخسره ؟
انا عمرى بجد ما سألت او اتمنيت السؤال دة لان دايما لو حصل موقف معين يستحق انى اخسر الانسان دة بمنتهى السرعة بخسره وبمحيه تماما من ذاكرتى
فمش بستنى يعنى انى اخسره او لأ
فمافيش حد لسه مستنية انى اخسره

من وجهة نظرك ... إيه هى الحياة ؟
الحياه ....بيت جميل او مكان جميل اوى بس للاسف احنا ضيوف عليه
او حلم جميل .....بس كالعادة لازم نصحى منه على دنيا تانية خالص

ياترى هتقع فى الحب تانى لو حبيبك/حبيبتك سابك أو لو كان سابك بالفعل ؟
هو اكيد الانسان دة اللى سابنى يعنى مايستهلشى انى اكون مربوطة بحبه طول حياتى بس برضو هيبقى صعب اوى اوى اوى انى انسى واحب تانى وخصوصا لو كنت بحبه فعلا

ياترى تقول إيه للعالم كله ؟
اقول للعالم كله ان احنا محتاجين نحب بعض ونخاف على بعض اكتر من كدة بكتييييييير


ياترى لو هتخسر كل اللى حواليك فى سبيل حلمك ؟؟؟ هتكمل وتحاول تحققه حتى لو كان مستحيل ؟
الحلم هو شئ جميل بنتمناه فطبيعى جدا لو شئ انا بتمناه وهيخلينى اخسر كل اللى حواليا مش هيبقى حلم اصلا ولا هفكر فيه نهائى دة شئ اكيد

ياترى إيه أكتر إحساس عشته الايام اللى فاتت ؟
هو مش احساس واحد دول كتييييييير اوى زى الامان والحب والتردد والفرح والراحة والاستسلام ....لأ كتير بجد

بتمررى التاج دا لمين ؟
بجد بمرر التاج الجميل اوى دة لكل اللى ماتمررشى له التاج دة يعنى تقريبا كل اللى فى (عيلتى التانية بجد )لانى ماقريتشى التاج دة الا عند توتة دموع القمر بس
فكل اللى ما اخدشى التاج دة ياخده وعايزة بجد اشوف الاجابات قريب

* * * * * * * * * * * * * * * * * * * * * * * * * * * *

يارب يكون التاج عجبكم وكل سنة وانتم طيبين ورمضان كريم و عقبال كل سنة واحنا مع بعض بنحتفل برمضان وبالشهر الكريم دة
ويارب دايما نخرج من رمضان ونكون دايماربنا راضى علينا بجد يارب

تحياتى ليكم ورمضان كريم

اتمنى ..........

I wish to live with the sun
So I feel its warmth
. . .
I wish to live with the moon
So I feel its light
. . .
I hope to touch the stars of heaven
Even to see beauty
. . .
I hope that the right in the space
To be free
. . .
I hope that the further from the ground
to free myself from the shackles
. . .
I hope that I hope will not .......
So all of this by my imagination and my dreams
So I hope to live, but I spend a good time with my dreams So I would bring all of this and I feel a sense of beauty, who accompany me there

* * * * * * * * * * * * * * * * * * * * * * * * *

اتمنى ان اعيش مع الشمس
حتى اشعر بدفئها
. . .
اتمنى ان اعيش مع القمر
حتى اشعر بنوره
. . .
اتمنى ان المس نجوم السماء
حتى انظر الى جمالها
. . .
اتمنى ان احلق فى الفضاء
حتى اكون حرة
. . .
اتمنى ان ابعد عن ارض الواقع
حتى اتحرر من قيوده
. . .
اتمنى ان .......لن اتمنى كل هذا
فكل هذا من خيالى ومن احلامى
فأتمنى ان اعيش بل اقضى وقتا جميلا مع احلامى حتى احقق كل هذا
واشعر بجمال الاحساس الذى يصحبنى الى هناك

صدفة دى ولا .......

كل اما اروح فى حتة الائيه قصادى
كأنه ظابط معاده على معادى
يا ترى دى صدفة ولا حاجة عادية
يا ناس ياهو حد يرد عليا
لا احسن دة خلاص طير عقلى منى
وطير كمان البرج اللى فاضللى
خايفة اصحى الصبح الائيه فى مرايتى
ما هو دة اللى ناقص ما هو قدرى وبختى
واللى خلاص محيرنى يا ناس
ومغلبنى فى دة الاحساس
اسئلة كتيرة بتيجى على بالى
وبقول لنفسى يا ترى حاله من حالى
ولا مطنش وولا على باله
صدفة ايه وبتاع ايه
تلائى دة كلامه ما هو يهمه ايه
مش عارفة انا شاغلة دماغى كدة ليه
بحاجات غريبة ماعرفشى ليه
يمكن تكون صدفة طب وجرى ايه
قال يعنى اول صدفة فى حياتى قال ايه
خلاص هعديها
ولا هسأل ولا هفكر فيها
بس برضو هقول فى الاخر انها ......... صدفة

ويبقى التواصل

هاااااااااى ازيكم وحشتونى اوى اوى اوى ........الخ بجد انا عارفة انى غبت كتيييييييير جدا بس غصب عنى امتحانات ودروس وحجز دروس كمان فكنت مشغولة بحاجات كتيييير فى نفس الوقت
بس انا بجد كنت هعيط اول مادخلت المدونة لانى فرحت اوى اوى بجد ماتتخيلوش شكلى ساعتها كنت فى حالة غريبة اوى ماتتوصفشى اول مرة احسها وكأنى حنيت ورجعت تانى للبيت اللى كبرت فيه وبفتكر كل لحظة فيه فبجد كان احساس مايتوصفشى حقيقى
انا اول مافتحت المدونة جت فى دماغى مليوووووون فكرة ومليوووووون بوست عايزة اعملها وكأنى كنت مخزنة الطاقة دى جوايا طول الفترة دى
على فكرة انا عايزة اقدم شكر خاص ل(اسماء واحلام فى وجدانى ) لانه سأل عليا فى الفترة اللى فاتت دى وبقولله بجد انا متشكرة جدا على السؤال الجميل دة واللى ادانى روح وطاقة ودفعنى ان انا اكتب على طوووول البوست دة وارجع من جديد من تانى بجد متشكرة اوى
واكيييييد شكرا لكل الناس اللى مدونتى وعيلتى التانية بجد لانى انا عارفة كلنا كنا مشغولين فى الفترة دى عشان طبعا الامتحانات فيارب يكون وفق الجميع فى امتحاناتهم او شغلهم او حياتهم بصفة عامة ونبدأ نسمع عنهم اخبار كويسة ودايما يبقى التواصل
على فكرة فى بوست انا خلصتة وهعرضه قريب يارب يعجبكم لانه بجد جميل وانا حساه اوى
تحياتى تحياتى وكل تحياتى ليكم كلكم وربنا يوفق الجميع لانى انا عارفة تقريبا فى ناس لسه بتمتحن ربنا معاهم يارب
ودايما يارب يبقى التواصل
تحياتى ليكم وانتظرووونى فى .......البوست اللى جاى
ملحوظة
ياريت تسمعه الاغنية الموجودة وخصوصا للاخر لانها بجد بتعبر عن كل اللى جوايا من ناحية مدونتى الجميلة او عيلتى التانية بجد واحساسى اللى ماقدرتش اوصفة بالكلام ممكن تكون الاغنية دى جزء كبييييير اوى منه

happy birth day

هااااااااى ازيكم كلكم وحشتوووووووووونى اوى انا عارفة ان معادنا مع بوست جديد بس حظى كل ما بنزل بوست جديد بيبقى فى مناسبة بس ان شاء الله انزله قريب ويعجبكم
مناسبة انهاردة هى اجمل مناسبة بالنسبة الى وهى عيد ميلادى
ما تتخيلوش انا فرحانة اد ايه انى بحتفل بيه معاكم ولاول مرة طبعا فعقبال كل سنة يارب كدة ونكون متجمعين كلنا كمان
على فكرة انا بكون فرحانة اوى لما عيد ميلادى بيجيى وبحب احتفل بيه ومش بزعل ان سنة من عمرى عدت مدام انا ماضيعتهاش كدة هدر
بجد مبسوطة اوى وعقبال كل سنة يارب وربنا يقدرنى واحقق كل اللى بتمناه يارب كلنا كمان
خلونى احتفل معاكم ونفرح سوا وتشاركونى الفرحة دى يارب يارب دايما
يلا نبدأ 1 2 3



واول حاجة طبعا هى تورتة العيد ميلاد
وبجد كان نفسى يكون فيها 15 شمعة لانى خلاص تميت ال15 سنة
كل سنة وانا طيبة بقى ههههههههه



كان نفسى التورتة تكون مليانة فراولة ودة طبعا لعشقى للفراولة بس عوضت دة فى اللى جاى
وهو عصير الفراولة اللذيذ جدا
ماتتخيلوش انه واحد بس لأ انا عمله حسابكم كلكم
ههههههههههههه



ممممممممم
طيب بم انى ديموقراطية
فانا جبت مشروبات غير الفراولة لا ربما فى حد مش بيحب الفراولة ويحب مشروب تانى
واللى شرب فراولة يشرب المشروب التانى
زى ما انتوا عايزين الحفلة حفلتكم انتم مش حفلتى بس



وطبعا مانسيتش الايس كريم اللى كلنا بنحبه واكييييييييد طبعا برضو ايه ؟
فراولة طبعا هههههههه
وماليش دعوة الدنيا برد واحنا فى شتا ماليش دعوة هتاكلوه يعنى هتاكلوه
وبالعكس على فكرة الايس كريم بيبقى تحفة خصوصا فى الشتا جربوه على ضمانتى
هههههههههههههه



وجبتلكم كمان كوكتيل فواكه انا شخصيا بحبه جدا
يارب يعجكم اهو دة بقى فيه كل الفواكه مش الفراولة بس
اه انا ديموقراطية ههههههههه



بس اكيد فى وسط الفراولات دى كلها مانسيتش الشيكولاتة طبعا
دى مافيهاش نقاش ههههههه



وطبعا مانسيتش ابدا بالونة عيد ميلادى الجميلة اوى
واللى كتييييييييير بحبها



وطبعا مش هنمشى كدة من غير مانفرقع البالونات كالعادة



وفى النهاية يارب تكون الحفلة عجبتكم
ويارب تكون اد ايه فرحتى تكون وصلتكم وعقبال كل سنة يارب سوا
وماتنسوش تاخدوا طبعا هديتى كالعادة الورد
تحياتى ليكم بجد ونورتونى فى حفلتى البسيطة دى يارب دايما منورنى

happy valentine`s day

هااااااااى ازيكم وحشتوووووونى اوى وكل عيد حب وانتم طيبين يارب تكونوا استمتعتوا باليوم الجميل اوى دة
كنت ببقى مستغربة من ان الحب يتعملوا عيد مخصوص بس دة حصل يمكن عشان نقف وقفة شوية مع نفسنا ومع كل الناس اللى زعلانين منهم ونصالحهم وما نكونشى ابدا فى خصام وزعل
وهو حتى خلانا نطلع شوية من المود الجامد بتاع الشعل والحياة الصعبة عامة ونعرف ونحس وناخد بالنا ان فى ناس بنحبهم ليهم حق علينا ولازم يعرفوا اد ايه احنا بنحبهم وحتى لو بهدية بسيطة وتغيير ابسط
تغيير ابسط معناه انه اكيد فى اليوم دة غيرنا حاجات من نفسنا مافضلناش زعلانين من اللى حوالينا وغيرنا فى طبعنا والصفات السيئة اللى كانت فينا وكدة اكيد حصل تغيير ودة احلى حاجة فى الدنيا بس لو تغيير طبعا للاحسن
ويارب دايما فى فرح وسعادة مع كل الناس اللى بنحبهم
* * * * * * * * * * * * * *
كان نفسى اخد رايكم فى البوست الجديد بس حقيقى انا لسة ما كملتوش وخصوصا انى بكتب وباخد بنصيحة حبيبتى توتة (همسات على ضوء القمر ) واللى كانت دايما تقوللى لو عايزة اجمل بوست افضلى اقريه اكتر من مرة هتلائى نفسك فى كل مرة تعدلى فيه لغاية مايبقى احسن
توتة وحشتنى اوى اوى اوى بس اللى مطمنى الاخبار الكويسة اللى وصلتنى منها هى وايثار او( احلى باربى فى الدنيا) زى الاخبار الجديدة والجميلة اوى دى مثلا


الف مليوووووووووو...ن مبرووووووووو...ك
لاحلى توتة وباربى والخبر هو ان بابا باربى خلاص طلع بالف سلامة من الاعتقال والخبر الجميل وصللى قريب من توتة وفرحتنى جدا جدا لانى كنت زعلانة جدا من الموضوع دة
فبجد فرحونى جدا واكيد فرحوكم انتوا كمان
وبجد بقوللهم الف مليون مبروك ويارب ما يعيد الايام دى تانى ويبدلها بايام فرح وسعادة يارب مع كل الناس اللى بيحبوهم ومايغيبش عنهم اى حد تانى يارب ان شاء الله
توتة بجد فرحتييييينى كتييييييييير يارب دايما ويارب ان شاء الله ترجعلنا ونشوفك قريب باذن الله
* * * * * * * * * * * * * *
اقولكم انا سلام مع الاخبار الجميلة دى وان شاء الله ارجع ببوست جميل يعجبكم كلكم يارب و
happy valentine day

ورجعت من جديد

هااااااااى مدونتى الجميلة وحشتيييييينى اوى اوى وعيلتى التانية الاجمل وحشوووووووونى اكتر واكتر والله بجد . عارفة انى غبت كتيييير اوى بس زى ما انتوا عارفين انه اكيد غصب عنى لان للامتحانات احكام زى ما للضرورة احكام
ههههههههه
وحشنى التدوين والكتابة اوى وبجد انتوا مش متخيلين شكلى وانا بكتبلكم دلوقتى لانى بحس وانا بكتب هنا فى مدونتى وكانى لسة عايشة وموجودة فى الدنيا وكان مدونتى دى هى اللى بتدينى الحياة
بجد دة مش كلام وبس والله
كنت عايزة اكتب البوست والخاطرة الجديدة بتاعتى ونكمل الباقى بس محبتشى ابدا اجمل مناسبة واجمل فرحة مرينا بيها تعدى كدة من غير ما اعبر عنها بطريقتى
والفرحة دى هى . . . . . . ؟



عرفتوها طبعا من الصورة الجميلة دى وهى صورة الكاس اللى فرح الملايين والمليارات كمان من الناس
بجد كنت سعييييدة جدا بالمناسبة والفرحة الجميلة دى
وكلنا اتنططنا وهيصنا وصوتنا راااح خالص وكان بجد يوم جميل جدا ومليان فرح وسعادة
وعلى اد الفرحة دى على اد ما انا حسيت ان اد ايه ان المنتخب البسيط دة كان سبب فى اسعاد 80 مليون مصرى واكتر كمان بكتيييير
وجون واحد وضربة كورة فى الشبكة سعدت الناس دى كلها برضو
بصراحة كنت مستغربة اوى من الموضوع دة وعرفت ان الشعب المصرى دة اصيل وبسيط بيفرح من حاجات بسيطة كتيييير



كله كوم بقى وجدو حبيب الملايين دة كوم تانى خااااالص
بجد اول ما جاب الجون الرائع دة قولت يافرحة امه وابوه بيه اكيد فرحتهم بفرحة كل المصريين دول كلهم
لانه ابنهم كان سبب فى اسعاد العالم كله
يعنى حاجة مش قليلة اكيد
وحسن شحاتة المعلم كمان دة بقى الاساس طول الماتشات اللى فاتت كنت كل ما بشوفه كان بيصعب عليا اوى والله بحس انه شايل الهم على راسه على طول هو وعصام الحضرى دة كمان دول ما فيش حد مساعدهم بيبقوا واقفين لوحدهم غير اللاعبين الموجودين فى الملعب
ربنا يحفظهم يارب
وغير اكيد الاعبين اللى لعبوا واللى ساعدوا اكيد فى الفرحة الجميلة اوى دى هم واللى كانوا مشاركين كمان بروحهم وتشجيعهم وهم اللى ربنا ما ارادش انهم يشاركوا فى الماتشات . والجمهور كمان اكيد بجد ناس كتير اوى ورا الفرحة دى اللى عمرنا ابدا ما هننساها فى يوم من الايام اكيد



برضو كله كوم والماتش بتاعنا وبتاع الجزاير دة كوم تانى خالص بقى بجد كان اجمل ماتش شوفته فى حياتى كلها ودة اللى بعديه قلت مش مهم الكاس المهم اننا خدنا حقنا منهم وان ربنا نصرنا عليهم بعد طبعا صورتهم اللى بئت جميلة اوى اودام العالم كله
طبعا واضحة اوى انها جميلة مش كدة ههههههههه

* * * * * * * * * * * * * * *

ياااااه ايه الرغى دة كله معلشى كنت مبسوطة اوى وقلت اتكلم معاكم لانكم بجد وحشتونى اوى انتم ومدونتى الجميلة اللى ان شاء الله مش هغيب عنها تانى باذن الله
ادعولى بقى
سلاااام واشوفكم البوست اللى جاى ويارب دايما نكون بنحتفل كدة سوا بالفرح يارب

happy new year 2010

هااااااااااى ازيكم وحشتونى اوى اوى بجد كلكم انا عارفة ان المفروض كنت اكمل باقى البوست اللى فات بس قولت ماينفعشى اجمل مناسبة تعدى كدة عادى مع انها متاخرة شوية بس معلشى غصب عنى
لان السنة دى غير السنة اللى فاتت خالص
اصل السنة دى بداتها ببرد وتعب جااااامد جدا بصراحة وعكس السنة اللى فاتت خااااالص
فقولت مدام انا مافرقعتش البالونات بتاعتى السنة دى خلاص افرقعها معاكم بقى واستحملونى شويتين
طااااااااااخ طخطخطخ
يا عينى البالونات بتصعب عليا اوى وخصوصا لو كانت روعة اخر حاجة زى دى بس
خلاص كفاية عليها كدة
ههههههههه




وبعد ما فرقعنا البالونات الجميلة اوى دى نبدا بقى فى الكلام المهم
وهو اننا دلوقتى بدانا سنة جديدة علينا
بس كنت عايزة اقولكم حاجة لحظتها فى ناس كتير
يعنى مثلا
فى ناس بتكون زعلانة شوية بالسنة الجديدة اللى عدت عليها يعنى بتكون زعلانة ان فى سنة كدة عدت على عمرها وخلصت زى 2009 وكدة خلصت وكانها يوم مش سنة
وفى ناس بقى بتكون فرحانة جدا بالسنة الجديدة اللى عاشتها وبتتمنى تعيش زيها واكتر كمان
هو بجد الموضوع يحير بس اكيد زى كل مرة لازم اعرف انتوا كمان تحبوا تكونوا او انتوا وشخصيتكم اصلا مع الراى الاول ولا التانى واشمعنى كمان ؟

* * * * * * * * * * * * * * * * * * * * *

وبعد السؤال المحير الجميل برضو دة
احب اقولكم بجد استمتعوا كويس اوى بالسنة الجميلة دى ويارب تكون جميلة وسعيدة عليا وعليكم وعلينا كلنا بجد ونحاول فعلا اننا مانضيعشى ولا ثانية الا وعملنا فيها حاجة جميلة وجديدة ونكون استمتعنا بيها بجد
ويارب تكون اجمل سنة فى حياتنا هى وكل السنين اللى بعدها واللى بعدها ونحقق فيها كل اللى ماقدرناش نحققه فى 2009
سلااااااام وعقبال السنة اللى جاية واحنا بنفرقع ....ايه اقصد بنحتفل بيها سوا ومع كل الناس اللى بنحبهم
ان شاء الله يارب بجد

لحظة وداع

حاولت اقوللك لما تمشى كل اللى انا حساه

حاولت اقوللك انى وجودى معاك دة اللى انا بتمناه

كنت خلاص مسافر وهتمشى ويبدأ العذاب

كنت فاكره انى هنسى لكن ماقدرتش على النسيان

انا عمرى ما نسيتك ولا لحظة مرت عليا

دى كفاية صورتك اللى فى بالى لحظة بلحظة

على اد ما عرفت معاك اجمل ايام عمرى

لكن عرفت معاك الايام اللى من غيرك

واللى محسوبة على عمرى

وعلى اد ما عرفت معاك اجمل لحظات حياتى

لكن عرفت معاك اصعب لحظة بحياتى

لحظة وداع

تاج ياسمينا

*انت مين بقى ؟*
انا ياسمين بنوتة بسيطة جدا بتحلم انها توصل بس لنجمتها
واللى بتمثل لها كل احلامها

*عندك كام سنة ؟*
عندى 14 سنة

هل انت متزوج ؟ وهل عندك اولاد ؟
اكيد لأ لسة . لسة بدرى خاااالص

*دراستك ايه ؟*
ثانوى عام . وسنة اولى لسة
ربنا معايا بقى ادعولى

*هل تمارس عملا بشهادتك ام عمل حر ؟ وما هو ؟*
لأ اكيد بشهادتى وهو المدرسة والدروس طبعا
ههههههههه

*ما هى مدة عملك اليومية ؟*
لأ احسبوا معايا بقى
المدرسة من 7 ل ... 12.5 او 1 يعنى
يبقى 7 ساعات تقريبا وضيف بقى عليهم 3 ساعات مثلا دروس
يبقى 10 ساعات يوميا تقريبا يعنى وبيبقى على حسب بقى
ايه دة كل التعب دة عشان مدة عملى يا نهار ابيض اومال عملى بقى يبقى ايه
هههههههههه

*ماذا تفعل بوقت فراغك ؟*
هعمل حسابى ان فى اصلا وقت فراغ
فبيبقى احيانا فى الرسم والتلوين دة اساسى
والنت والكمبيوتر طبعا وممكن تكون الغزالة رايقة واكتب خواطر يعنى
ههههههههه

*هل لديك هوايات ؟ وهل تمارسها ؟*
عندى هوايات كتير وبمارسها فعلا ولو حتى فى الاجازة
زى الرسم والكمبيوتر . قرصات بقى وكدة
هههههههههههه

*هل تشعر برضا ربنا عنك ؟*
بصراحة هو احيانا بس انا بدعى بالرضا دة اكيد
مين عارف بقى يارب يكون بجد فى رضا

*هل تحب ؟ ومن بقلبك الان ؟*
اكيد بحب على طول كمان : لانى مؤمنة جدا ان مافيش حد مش بيحب
حتى لو حب الله والاخ والاب وكدة . مش لازم للحبيب يعنى
وانا فى قلبى كل الناس اللى بحبهم وفى بالى على طول كمان

*لو لم تجد من تحب . فماذا تفعل ؟*
لأ دى صعبة اوى بجد وحقيقى
لأ بجد يارب ابدا مش فى حد يحس بالاحساس دة ابدا
وطبعا دة حب الحبيب لاننا اتفقنا ان مش فى حد مش بيحب . هههههه

*عندما تكون فى موقف اتخاذ القرار . تخالف الجماعة . ام تشترك مع الاخرين ؟*
والله على حسب رأيهم هم لو رأيهم مقنع ومن رايى انا كمان
لأ دة بشاركهم فيه
لكن لو مش مقتنعة بيه بخالفهم وبعمل اللى انا حساه يعنى ودة بيحصل احيانا
بس لو الموقف دة فعلا يخصنى انا بس

*هل تتعامل بواقعية ؟*
اى نعم دة ضد شخصيتى اللى هى مرحة وخيالية شويتين
لكن لو موقف جد يتطلب الواقعية لأ فى دة بكون جد فعلا و جد اوى كمان

*ما هو الشئ الذى فعلته وندمت عليه طول عمرك ؟*
هو انى كتير امنت لناس ووثقت فيهم وفى الاخر طلعوا مش يستاهلوا خالص
وطلعوا كمان اسوأ مما يمكن ومما كنت اتصور اصلا

*هل تصارح احد بالحقيقة ؟ ام تقول له ما يريد سماعه ؟*
لا لا انا صريحة جدا بطريقة غريبة اوى لدرجة ان فى ساعات ناس بتزعل من صراحتى دى
مع انها بتكون ليها حدود وتكون بادب طبعا
لكن انى اقوله اللى هو عايز يسمعه ! لأ دى صعبة شوية

*بس انا مش شايفة الصراحة دى مش مشكلة يعنى ولا ايه ؟*
انا قلت كدة كدة برضو ههههههه

*صف انسان يمكن ان تحبه عمرك كله*
ممممممممم مع ان السؤال دة غريب شوية لكن هجاوب عليه
طيب وحنين ورومنسى اكيد ومرح ومش عصبى اوى كفاية عصبيتى انا يعنى
ويبقى اكيد يحبنى جدا ويخاف عليا ويكون دايما واثق فيا ... وحجات كتير برضو مهمة

*متى يقسو قلبك ؟*
بالرغم ان كلمة يقسو دى غريبة عليا شوية بس مش كتير ومش على اى حد
لان انا طبعى قلبى طيب ومتسامح شوية لكن برضو اعترف ان دة كله مش مع كل الناس
يعنى زى الناس اللى جرحونى او وجعونى اوى يعنى

*ومتى يقسو لسانك ؟*
لسانى ؟ ! لأ دة كتييييير بس بادب برضو والله مش قسى اوى يعنى
لان ربنا دايما هو اللى بياخد حقى ودة من دعايا طبعا

*من هو اول من قلت له بحبك ؟*
لأ مافيش لان الكلمة دى بحس انها صعبة ومش سهل ان الواحد يقولها
بس مين عارف . يمكن

*هل يمكن ان تحب احد من المدونين ؟*
لأ مش ممكن لانى مش مع الحكاية دى اصلا ان الحب يكون عن طريق النت والمدونة وكدة
دى بجد ومن وجهه نظرى طريقة مش ناجحة اصلا

*وهل يمكن ان يكون شريك حياتك ؟*
اكيد لأ . دة غير بقى لو اتقبلنا صدفةّ يعنى . مين عارف يمكن الله اعلم بقى دة نصيب مهما كان

*ماذا تعنى لك المرأة والرجل ؟*
اه اولا المرأة فهى نص المجتمع
والرجل بقى فهو اكيد النص التانى من المجتمع
اقصد ان هم الحياة اللى مش نقدر نعيش الا بيهم هم الاتنين مش حد منهم

*فى زمن البحث عن المادة . عن ماذا انت تبحث ؟*
انا دايما ببحث عن اهم حاجتين فى حياتى كلها
وهم التفوق والحب بيتهيألى دول بقى من غيرهم مانقدرش نعيش فعلا

*ماذا تعرف انك تحب ؟*
ممممممم لأ دة انا مجربتوش بالمعنى اللى السؤال يقصده
لكن الحب بتاعى انا بقى فبعرفه
انى بتمنى لو افضل قدامه وافكر فيه كمان كدة على طول
وانى بغير عليه من الهوا وبخاف عليه منه كمان
وانى اكون شايفاه هو حياتى كلها بكل شئ جميل فيها
و ....... حاجات كتير مش هعرف اقوللهالكم كلها دى لو اتعدت اصلا

*ما هى الشخصية اللى اثرت بحياتك ؟*
لأ بجد كتير اوى لانى بقول ان كل الناس اللى قابلتهم بجد اكيد اثروا فى شخصيتى ولو بشئ صغنون خالص . لكن اكتر الناس اللى اثروا فيا وببهم اوى اوى اكيد هم
بابا طبعا اولهم . وماما واخواتى برضو اكيد
وطبعا خالو ومراته بجد اتعلمت منهم كتير
واكيد حبيبتى واختى مش المس بتاعتى وبس وهى يويو ويارب تكون معانا بجد قريب لانها وحشتنى كتير واتعلمت منها اكتر

*هل يوجد من تراه فى الدنيا سعيدا ؟ ولماذا ؟*
من وجهه نظرى هو كل انسان اهله وخصوصا مامته راضيين عليه وربنا طبعا اكيد
دة بقى بيبقى اكيد سعيد فى حياته

*سيارة وسائق ووقت متاح ... تذهب الى اين ؟ ولمن ؟ بالترتيب . ام تفضل ان تكون وحيداّ ؟*
الله السؤال دة جميل اوى يارب يتحقق
و حكاية انى افضل انى اكون لوحدى لأ دى مستحيل
لكن انا هستغل الموقف الرائع دة وهقرر انى اطلع على طووووول
على اسكندرية ولمن ؟ هروح هناك للبحر بيتهيألى دة بقى مافيش احلى من كدة
لانى مجنونة بحاجة اسمها اسكندرية ولدرجة انى لغاية دلوقتى بتمنى انى اعيش فيها وان كليتى تكون هناك وتبقى بالتحديد فنون جميلة وبالتحديد اكتر قسم ديكور
هههههههه ادعولى بجد من قلبكم . دة مستقبلى بجد

*ما هى درجة صراحتك ؟*
لاااااا مليون مليون فى المية
لان الحكاية اصلا انى مش بعرف ولا اكذب ولا اجامل
صريحة بقى تقول ايه

*ما هى المواقف التى يمكن ان تكذب فيها ؟*
فى الخير يعنى لو فى مشكله والحل بتاعها انى اكذب يعنى زى وانا بصالح حد على حد تانى
ولو اجابتى فيها مشكلة كبيرة
ودول بقى ربنا يسامحنا فيهم يعنى

*هل يتغير الحب بعد الزواج ؟*
والله على حسب الطرفين ذات نفسهم يعنى
لو مش انانيين ومش بيفكروا بطريقة سليمة ومتسامحة ومش بيحافظوا بجد على حياتهم وبيتهم اكيد

*فيما تفكر الان ؟*
فى خالو حبيبى . ربنا يرجعه لينا بالف مليون سلامة بجد

*لو لم تعيش فى مدينتك . فاى مدينة اخرى تفضلها ؟*
اكيييييييد فى اسكندرية طبعا
ادعووووولى بقى بجد

*من اول من ياتى ببالك لتحكى له اسرارك ؟*
اكيد ياسمين هههههههه
لا لا مش واحدة غيرى دى انا
لان الانسان اللى بحب انى احكيله مش بيبقى معايا على طول
اما اتخيل انى بحكيله يا اما احكى لياسمين حبيبتى بقى
مش قدامى حل تانى يعنى

*من هو ألد اعدائك ؟*
لأ ناس كتير واكيد كنت واثقة فيهم واتخدعت كالعادة زى اصحابى مثلا
حاجة غريبة بجد

*من هو صديقك ؟*
كل الناس اللى بحبهم بجد فدول اصدقائى
لكن اصدقاء اصدقاء بجد وكدة فللاسف مافيش
معقدة مش كدة . ربنا يهدينى بقى

*لو الدنيا كلها زيك . لمن تقول هذه العبارة ؟*
ممممممممم
اكيد لبابا وماما وخالو ومراته و ... لأ معقول دول بس
تقريبا كدة انا عايزة اكتر من كدة ايه
ههههههههه
دة دول بالدنيا كلها

*ماذا تكره فى الحياه ؟*
الخيانة والكذب والشك وان حد ياخد حاجة مش بتاعته
وحاجات كتير كتير للاسف

*ماذا تحب ؟*
الصداقة اللى عمرى ماحستها بجد
الحب والنجاح والورد والفراولة والاكسسوار وكل ادوات الديكور ودى مؤخرا والالوان و ..... الحياة كلها بجد بكل شئ جميل

*كيف تواجهه ما يضايقك ؟*
بالبكاء غالبا اكيد والعصبية احيانا برضو
يعنى مرحلتين عصبية وبعدين عياط
ربنا بجد يبعدهم عننا كلنا يارب

*وماذا تفعل عند المفاجأت ؟*
المفاجأت .. لأ بخاف منها اوى مش عارفة ليه يعنى
لكن مثلا لو لعيد ميلاد كدة يعنى لأ دى عادى بحبها

*لو معاك فلوس اكتر مما تتخيل . فماذا تفعل بها ؟*
اول حاجة هنطلع نحج كلنا انا وعلتنا كلها يعنى
وهبنى بيت كبييييير نعيش فيه كلنا وهيبقى اكيد طبعا فى اسكندرية معروفة دى بقى
ههههههههههه

*هل الفقر يصنع الحب ؟*
مافيش حاجة بتصنع الحب
الحب دة بيجيى كدة من غير ما نقصد حتى ومافيش حاجة تأثر فيه
مهما كانت فقر. غنى. قوة. ضعف ... ولا اى حاجة فى الدنيا دى كلها
الا بقى لو ماكانشى حب من اصله

*وماذا لو وجد الحب فى زمن الفقر المادى ؟*
ولا هيحصل اى حاجة مش هتفرق دة لو برضو ماطلعشى حب حقيقى بجد

*ما هى اقصى صدمة تعرضت لها حتى وقتنا هذا ؟*
كالعادة برضو لما اتصدمت فى ناس عزيزة اوى عليا وثقت فيهم

*وكان رد فعلك ؟*
والله كفاية دعايا عند ربنا يعنى
يعنى من الاخر وبصراحة دعيت عليهم بس مش دعا جامد يعنى لأ هو دعا ان ربنا يعنى ياخدلى حقى منهم مش اكتر

*هل تعلمت منها شئ ؟*
اكيييييد وهو انى ما امنشى لحد بسهولة اوى يعنى
وبيتهيألى هو دة الحل الوحيد . ولو عندكم حل تانى قولولى بجد

*هل انت على استعداد لتلقى صدمات اخرى ؟*
والله الواحد مش ناقص بقى ولا ايه ؟
وعلى ما اعتقد ان ماحدش بيتمنى حاجة زى كدة
ومين عارف اللى يعيش ياما يشوف
ودة بجد فعلا حقيقى ههههههههههه

*كيف ترد على من لا تصدقه ؟*
والله على حسب الشخص اللى قدامى
لو شخص بجد بكرهه ومش مرتحاله ودة غالبا بقوم كاشفاه عشان مايعملهاش معايا انا بالذات تانى
لكن لو شخص لسة سنة اولى فى الحكاية دى بعديهاله دة لو ماتماداش فيها
بأدّبهم شوفتوا مش كدة
هههههههه
بس مش قصدى والله بنفس المعنى دة بجد

*اذا احببت انسان ما . هل تصرح له بحبك ؟*
ما انا قولتلكم الكلمة دى بجد بحس انها صعبة
بس برضو هفضل اقول مين عارف يمكن
ههههههههه

*ماذا تفعل لو لم يتجاوب معك ؟*
اولا المفروض ان انا بنت يعنى المفروض يعنى من وجهه نظرى ان مش البنت هى اللى بتبدأ بالاحساس دة يعنى

*هل تؤمن بالمثل القائل : انا احب فانا اعيش ؟*
اكيد طبعا الحب دة اساس الحياه اللى بجد مش نقدر نعيش ابدا من غيره
لان من غيره ابدا مش تبقى حياه

*ما هى القضايا التى تشغل بالك ؟*
اكيد طبعا لانها بتهمنى كتيييير وهى قضية الثانوية العامة
وكمان لدرجة انى بحس انى انا الوحيدة اللى اقدر احللها
احتمال برضو مين عارف ههههه

*هل تستطيع تحقيق كل احلامك ؟*
اكيد اقدر ان شاء الله يعنى بس برضا ربنا وبرضا اهلى وكل الناس عليا
وبالايمان وبالعزيمة والاصرار والثقة و... وحاجات كتير اوى
من دول اكيد هقدر ومن دعواتكوا انت كمان اكيد هقدر

*هل تمتلك طموحا . وما هو ؟*
اكيد كل انسان عنده طموح وامل يا اما مش يكون عايش اصلا ودى اصعب حاجة فى الدنيا
وهو انى احقق اللى بتمناه وهو انى ادخل كلية فنون جميلة قسم ديكور بتفوق وافضل كمان بالتفوق دة طول عمرى
وشوفتم بقى بجد لأ سيبوها على الله وادعولى بجد لانى عيطت من كتر خوفى من ان الحلم دة مش يتحقق
فبجد سيبوها على الله زى ما انا هسيبها كدة وادعولى بجد

*كيف سيتحقق طموحك .ام سيبقى حلم فقط ؟*
زى ما قولتلكم قبل كدة بالرضا ورضا ربنا عليا ورضا اهلى وكل الناس عليا
وبالايمان والاصرار والعزيمة والثقة بقدراتى وبنجاحى اكيد ان شاء الله وباذن الله هقدر احققه وعمره ما هيبقى حلم فقط
ان شاء الله وباذن الله فى الاول وفى الاخر

*ما هى علاقتك بالدنيا ؟*
عن نفسى انا فانا بحب الدنيا والحياة حتى لو فيها بكيت
لكن علاقتنا كلنا بيها هى اننا كلنا ضيوف فيها

*وما علاقتك بالموت ؟*
لأ بصراحة مش كويسة خااااالص
ههههههه
لا لا اكيد بكون مستعدة لاى وقت طبعا وهى سنة الحياة
بس بصراحة اكيد بخاف من اللحظة دى
يارب بقى ربنا يكون راضى علينا لان دى اهم حاجة فى الدنيا اكيد

*لو لك اختيار زمن تعيش به . فما هو ذلك الزمن ؟ ولماذا ؟*
اكيد زمن الرسول صلى الله عليه وسلم
لان بكدة انا هقدر اتمتع بالنظر الى وجهه الكريم
ربنا يكتبهالنا بقى ان شاء الله فى الجنة

*هل يمكن ان اراك وانت غائب ؟*
لو انا انسانة عزيزة عليك فيبقى دة اكيد . انا مجرباها كتييير

*ماذا ترى فى نفسك مميزا عن الاخرين ؟*
لأ دى بقى اللى ماعرفهاش
هو دة السؤال اللى بجد هسيبكوا انتوا اللى تجاوبوا عليه
بجد مش بهزر ومستنيه الاجابات حقيقى

*من اذا اقترب منك .هربت منه بعيدا ؟*
مش عارفة يمكن الموت بس دة مقدرشى اهرب منه ابدا
يمكن الفشل ودى اكتر كلمة بكرهها ويمكن كلام كتير زى كدة يعنى

*من تقول له : قرب منى قرب . يا قلبى يا ما اتغرب ؟*
اقول كدة لكل الناس اللى بجد غايبين عنى بقالهم كتير

*ماذا تريد ان تقوم به قبل ان تموت ؟*
انى اكيد احقق كل احلامى وكل اللى بتمناه وان كل الناس تكون راضية عنى وربنا اكيد
وانى اكيد ان شاء الله احج

* * * * * * * * * * * * * * * * * * * *

خلص التاج التانى يارب ما اكون طولت عليكوا بس انا عن نفسى استمتعت بالتاج دة جدا حقيقى تحياتى لأ/ محمد و لتوتة همسات على ضوء القمر بجد وحشتنى اوى هى ويويو حبيبتى بجد وحشتونى كتير
ويارب ما تكونوا مليتوا منى وبرضو هفضل مستنية اجاباتكم على بعض الاسئلة اللى فى التاج
تحياتى ليكم كلكم

* * * * * * * * * * * * * * * * * * * * *

ومعلشى اتاخرت عليكم ما انتوا الامتحانات قربت والمراجعات بدأت فمعلشى اعذرونى غصب عنى حقيقى. ومش تنسوا ادعولى بجد لانى محتاجة لدعائكم اوى

كل سنة وانتوا طيبين

اولا كل سنة وانتوا طيبين بمناسبة عيد الاضحى المبارك وربنا يعوده علينا دايما بالخير والحب
قبل ما ندخل فى العيد وكدة احب اقول الف مليون مبروك لمصر
طبعا انتوا عارفين اللى حصل وانا مش هقوله تانى بس انا عايزة اقول حاجة لو الفوز بالطريقة دى احنا مش عايزينه واعتقد ان دة مش رايى بس لأ دة راى كل المصريين
وياريت نتعلم من كل حاجة بتحصل لينا وان احنا كمان نشوف اثارها الايجابية اكتر من السلبية لان احنا اهتمينا كتير اوى بالسلبيات اللى حصلت
اللى حصل دة خلانا نتقرب اكتر من بعض ومن الرئيس بتاعنا هو واولاده اللى بجد دايما مشرفنا وكفاية انه معيشنا من غير نقطة دم او حرب
وخلانا نحب بلدنا اكتر واكتر ونعرف قيمتها اكتر واكتر ونحبها اكيد اكتر واكتر حتى لو احنا عايشين فيها
وحاجات كتيييييير اوى بجد
تحياتى ليكم ولكل المصريين ولازم نفرح للى حصل ونصحى ونفوق شوية
ونقف جنب الناس اللى بجد بتتعب عشان بس كل هدفها انها تفرحنا اذاكان الرئيس او ولاده او المنتخب او كل الناس


ثانيا بقى نيجيى للموضوع المهم وهو كل سنة وانتوا طيبين انا عارفة انه كان عليا تاج حبيبتى همسات على ضوء القمر وا/محمد بس انا قلت مش ممكن نفوت مناسبة جميلة اوى زى دى
وطبعا معايا عيديات كل مرة المرة اللى فاتت كانت الورد والمرة دى معايا
ممممممم ايون اللى فى الصورة وهى البالونالت والالوان اللى انتوا عايزينها كمان
بيتهيالى مافيش احلى من كدة
ههههههههههه
انا عن نفسى هاخد ....بمبى ؟ لبنى ؟ احمر ؟ اصفر ؟ بنفسجى ؟ موفى ؟ برتقالى ؟
لا لا لا مش عارفة انا هاخد كل الالوان ومن كل لون واحدة
بس ماتخافوش البالونات كتير والحمد لله
عمله حسابى عملة حسابى
ههههههههه
وطبعا بهديها لكل عيلتى ولعيلتى التانية بجد طبعا
هو انا ليا غيرهم ؟ تحياتى ليهم كلهم حقيقى
وكل سنة وهم وانتوا كمان طيبين



وطبعا زى كل مرة وزى كل مناسبة بيبقى معايا مع العيدية الرسايل
غرضى من الحكاية انى انا عارفة ان الكل يوم الوقفة او اول يوم العيد بنحب نبعت الرسايل لكل الناس اللى بنحبهم بجد
وقولت دى فكرة حلوة منها الرسايل دى منى ليكم ومنكم لكل الناس اللى بتحبوهم
واليكم اجمل الرسايل
* * * * * * * * * * * * * *
كــــ(تهنئة)ـــــــل
عــــ(خاصة)ـــــــام
وأنتــ(من)ــــــم
بألــ ـــــف
خـــ( ياسمينا )ــير
* * * * * * * * * * * * * *
قبل الناس والاجناس . وقبل عرفة ما تنداس
اهنيك بالعيد . يا اجمل الناس
* * * * * * * * * * * * * *
المرسل : واحد من الناس
المستقبل : اعز واغلى الناس
النص : عيدك سعيد قبل كل الناس
* * * * * * * * * * * * * *
انا ما اقول كل عام وانت بخير
لكن اقول انت الخير لكل عام
* * * * * * * * * * * * * *
للكلمة ردود . وللفرحة وجود
ولايام العيد وقت محدود
فلك تهنئة بلا حدود
* * * * * * * * * * * * * *
اجمل باقة ورد ارسلها
من قلبى واحطها بايديك
تنشر العبير الفواح حواليك
وتقوللك كل عام وانت بخير
* * * * * * * * * * * * * *
احلى ما فى العيد العيدية
والاحلى انها تكون منك هدية
* * * * * * * * * * * * * *
فى قلبى حطيتك . وبالتهانى خصيتك
وعلى الناس اغليتك . وبعيد الاضحى هنيتك
* * * * * * * * * * * * * *
تيجيى فجأة على بالى . واضيع وينقلب حالى
تأكد مستحيل ارسل لأحد اذاما كان غالى
كل عام وانت بخير
* * * * * * * * * * * * * *
اسأل من اعد العيد . وطوى الشهر الفقيد
يمدكم بعمر مديد . يجعل حياتكم عيد سعيد
* * * * * * * * * * * * * *
كل السنين اللى مضت . كل الحياة اللى بقت
رجعت اقول كل سنة وانت بخير . يا حبيبى الطيب
* * * * * * * * * * * * * *
يا طيور الحب زوريهم . وبعيد الاضحى هنيهم
ولا تنسوا تخبريهم . الفرحة ما تكمل الا بيهم
* * * * * * * * * * * * * *
يا قمر بالعالى . ميل على الغالى
وقبل الكل قوله. كل عام وهو بالف خير
* * * * * * * * * * * * * *
يا شمس الكون نورى . على حبيبى واحملى
سلامى له وقوليله . كل عام وانت بخير
* * * * * * * * * * * * * *
العيد علينا هل . وباحلى فرحة طل
ويارب يسعد الكل . وكل عام وانتوا بخير
* * * * * * * * * * * * * *
العيد يكمل بوجودك . وعيديتى تحلى من جيوبك
يارب متى اشوفك واقوللك . كل عام وانا محبوبك
* * * * * * * * * * * * * *
الكل بالعيد فرحان . الا انا زعلان
كان نفسى اقوللك . كل عام وانت بخير
واخدك بالاحضان
* * * * * * * * * * * * * *
وفى الاخر يارب ما اكون طولت عليكم
وكل سنة وانتوا طيبين وبخير يارب
ويعود علينا العيد بالخير والحب دايما يارب
تحياتى ليكم

تاج ياسمينا

اولا احب اهنى حبيبتى باربى واحلى باربى فى الدنيا كمان وحبيبتى همسات على ضوء القمر واقول لهم الف مليون حمد الله على سلامة والدك يا باربى
وبجد انا مش قادرة اوصفلك انا فرحت ليكم اد ايه
الف مبروك ويارب دايما فى فرح وهنا يارب كلكم مع بعض
ويارب يخليه لكم كلكم ومش يحرمكم منه تانى



ثانيا قبل ما نعرف موضوع التاج الجميل دة احب اقول لاحلى منتخب فى الدنيا منتخب مصر الف مليون مبروك على الفوز الجميل دة وعقبال النهائى باذن الله وقلوبنا كلها معاهم بجد
وبجد انا اللى يعرفنى مايشوفنيش وانا بشجع وفى ايدى العلم واتنطت وصوتى راح خالص وجالى برد ماهو بالمرة بقى
بجد انا فرحت جدا وعلى اد ما كنت خايفة فى اول الماتش لكن كنت واثقة ان ربنا عمره مايضيع حق الناس اللى تعبت دى بجد
بجد ادعولهم كلهم وخصوصا بقى عشان خاطرى احمد حسن
ههههههههه ان شاء الله بالفوز



ثالثا بقى نيجيى كدة للتاج اللى كنت فى اسعد لحظات حياتى وهو بيتمررلى بجد كنت سعيدة جدا
بس حكاية انه دوبل واكتر كمان لانه جالى من ناس كتير جميلة اوى وبحبها كتير خالص وهم
همسات على ضوء القمر ما هو خلاص بقى مافيش دموع الحمد لله
ومن اميرة على كوكب مهجور بجد حبيبتى وحقيقى بحب مدونتهااوى بجد
وكمان جالى برضو من ليس فقيرا من يحب ا/رانيا حبيبتى وكمان من ا/محمد وحلم بيعافر او حلم لسة مااستسلمش برضو وكلهم بجد كانوا منورين خالص فى التاج عقبالى
يارب الاجابات تعجبكم واكون خفيفة عليكم
هه بسم الله الرحمن الرحيم
نبدا بتاج بقى اميرة وا/رانيا وا/محمد تحياتى ليهم كلهم بجد

اسمك ؟
ياسمين

سنك ؟
ال يعنى مش عارفين .ماشى
انا بلا فخر 14 سنة
ودايما طبعا بكون اصغر اصحابى

اسم مدونتك ؟
الله امال انت جيت هنا ازاى
اه سؤال عادى يعنى عشان التاج
اوك عشان التاج بس وعشانكم كمان يعنى
رسائل الى القمر
وجه بالصدفة كالعادة طبعا

مجال دراستك ؟
ثانوى عام
وربنا يستر ادعولى بجد

هل فكرت فى اغلاق مدونتك ؟ والسبب ؟
الصراحة فكرت مرة فى الاول خالص بجد
وعشان كنت فى الاول مش بشوف حد بيزورنى خالص
وبعدين ماكنتش بقى اعرف انى المفروض ازور المدونين الاول عشان يزورونى وكدة
لكن دلوقتى عمرى ولو على رقبتى اكيد

ايه رد فعلك لو حد قل ادبه عليك فى المدونة ؟
مش ههتم بيه خالص
بس هقول انه مايصحش بدون تفاصيل يعنى برضو فى اول بوست هكتبه

اسوأ مدونة دخلتها ؟
بجد مافيش خالص حقيقى
كلهم اخواتى واستفدت حقيقى من كل مدونة كتير بجد

هيحصل ايه لايميلك بعد ما تموت ؟
كدة بتقول فى وشى ماشى
طبعا بعد عمر طويل هه لينا وليكم
اكيد هيبقى وحيد وممكن يموت هو كمان

اديت الباسورد لحد قبل كدة ؟
بصراحة ايون بس مش لاى حد يعنى
خصوصية بقى وكدة

السفر بالنسبة لك ؟
امتع حاجة بجد فى الدنيا دى كلها
متعة وتغيير جو ومعرفة ناس ومعلومات جديدة كل حاجة بجد
يعنى متعه بمعنى الكلمة

المود بتاعك ايه ؟
والله عادى اى نعم بيكون مجنون شوية بس عادى
يعنى بفرح وبزعل حبة من دة وحبة من دة
هى دى الحياة

بتعمل ايه وقت فراغك ؟
انا كنت برسم وبلون فى الاول بس دلوقتى بقى اتطورت شوية
بئيت افتح النت اقعد .اكتب .كدة يعنى
وقت فراغى مابقاش اصلا وقت فراغ ابدا بالحاجات الجميلة دى
مش كدة انا بقول كدة برضو

الاكلات المفضلة ؟
اه نيجيى بقى للكلام اللذيذ
اولا انا بحب الاكل جدا على فكرة وبالاخص
المكرونة طبعا لا وايه بجمييييع انواعها
وبحب كمان البطاطس وبرضو بجمييييييع اشكالها
مممممم والمحشى والحواوشى بجد حاجات كتير
جوعتونا والله ينفع كدة

الصفات اللى اخذتها عن والدك ؟
ممممممممم
كتير اوى ولسه لغاية دلوقتى باخد منه مش فلوس بس والله صفات كمان
زى الحكمة والتفكير السليم والصبر وانى اخد الامور ببساطة ....لا بجد حاجات كتير اوى
ربنا يخليه ليا يارب

الصفات اللى اخدتها عن والدتك ؟
ماما حبيبتى لسه بتعلم منها لغايه دلوقتى
يعنى زى الحنية والطيبة وانى اعرف اخد حقى فعلا وانى اراعى ظروف الناس وما سيئشى النية بحد
ودى اهم حاجة
اه والطبخ طبعا دة انا من غيرها الوص

اكتر 6 حاجات بتحبهم ؟
ايه دة اشمعنى 6 رقم غريب اوى ايه ماعلينا
مممممممم
الورد
الفراولة
الحياه طبعا
النت
الالوان
ممممممممممم ناقص واحدة
اه اكيد طبعا الاكسسوار
وحاجات كتير برضو
الحمد لله عدت بسلام

اكتر 6 حاجات بتكرههم ؟
مممم ماعدتشى لسه ناقص 6 كمان طيب
سواقين التاكسى طبعا بس برضو مش كلهم
الظلم
والنت لما بيفصل
ولما حد يقومنى من احلاها نومة
وان حد ياخد حاجتى من غير ما يقوللى
وان حد مايقدرنيش
لا لا كتير اوى بجد

شخصيتك نوعها ايه ؟
مرحة ومجنونة طبعا ولمضة اكيد وعندية بطريقة غريبة
لدرجة انى بكون عندية ولمضة وكل الحاجات ولو تعبانة خالص
وكمان خصوصية جدا وبسيطة جدا
وحرة وبحب الحياة
وجوايا حاجات كتير اوى زى الحرية والجرأة دة كله عادى
لان كل حاجة فيا بيبقى ليها حدود واللى هو خط احمر
ودى احلى حاجة بجد

لماذا دخلت عالم التدوين ؟
هو طبعا بالصدفة والفضل لمس ايه حبيبتى
واللى كتير بتسلم عليكم بس هى مشغولة شويتين اليومين دول
بس هى الحمد لله بخير
اه وكمان حبيت ادخل العالم الجميل دة اتعلم منه الكتير واطلع اللى جوايا ولو بكلمات بسيطة
واشوف العيلة الجميلة دى بجد طبعا

اهمية التعليقات بالنسبة لك ؟
اهم حاجة فعلا لانه اهم حاجة انك تعرف رأى الناس اللى حواليك وتستفاد منه طبعا
لا بجد دى حاجة مهمة جدا

احلى بوست كتبته ؟
بالرغم ان انتوا المفروض تجاوبوا على السؤال دة
بس هقولكم هو بوست صدق اللى قال ليه ؟
لانى كنت حساه بجد كالعادة بس بطريقة غير عادية

افضل مدونة قريتها ؟
لأ بقى دة تعجيز هم اكيد كتير طبعا
بس اقولكم هم اللى فى عيلتى التانية بجد لانى لو ماكنتش بستمتع بمدونتهم
ماكنتش اهتميت انى اكون متبعاهم على طول
على اد ما اقدر طبعا

اهمية النت بالنسبة لك ؟
هو حاجة مهمة اوى اوى بالنسبة لى فعلا حقيقى
ومن غيره ماكنتش اتعرفت على اجمل عيلة فى الدنيا
وماكنتش حاجات كتير فى حياتى جميلة حصلت
لا بجد مهم ولينا كلنا اكيد

اهداء التاج ؟
اه انا بجد بهدى التاج لكل واحد ما اخدشى التاج قبل كدة
عشان نعرف بعض اكتر دى حاجة جميلة جدا
فى اخر التحقيقى اقصد التاج
احب اقول انى فرحت جدا بالفكرة الجميلة دى بجد وتحياتى ليكم كلكم وتسلميلى يا اميرة انتى وا/ رانيا وا/ محمد ويسلملى التاج الجميل دة
ولينا طبعا موعد اخر مع تاج توتة حبيبتى همسات على ضوء القمر لانى بجد ماحبتشى خالص اطول عليكم بجد
سلام ونتقابل البوست اللى جاى